Lyrics Sare Jahan se acha
'Taranah-e Hindi' (1904) was explicitly written as a patriotic song for children by Muhammad Iqbal(widely known as Allama Iqbal). He also composed a number of others meant for children, but this one has always been the most popular.
Some verses of 'Tarannah-e Hindi'- (1), (3), (4), and (6) -- are nowadays widely sung in India, as a kind of short unofficial national song.
This song is also the official quick march of the Indian armed forces.
Sare Jahan se Acha with lyrics
saare jahāñ se achchhā hindostāñ hamārā
ham bulbuleñ haiñ is kī ye gulsitāñ hamārā
ġhurbat meñ hoñ agar ham rahtā hai dil vatan meñ
samjho vahīñ hameñ bhī dil ho jahāñ hamārā
parbat vo sab se ūñchā ham-sāya āsmāñ kā
vo santarī hamārā vo pāsbāñ hamārā
godī meñ kheltī haiñ is kī hazāroñ nadiyāñ
gulshan hai jin ke dam se rashk-e-jināñ hamārā
ai āb-rūd-e-gañgā vo din hai yaad tujh ko
utrā tire kināre jab kārvāñ hamārā
maz.hab nahīñ sikhātā aapas meñ bair rakhnā
hindī haiñ ham vatan hai hindostāñ hamārā
yūnān o misr o ruumā sab miT ga.e jahāñ se
ab tak magar hai baaqī nām-o-nishāñ hamārā
kuchh baat hai ki hastī miTtī nahīñ hamārī
sadiyoñ rahā hai dushman daur-e-zamāñ hamārā
'iqbāl' koī mahram apnā nahīñ jahāñ meñ
mālūm kyā kisī ko dard-e-nihāñ hamārā
No comments:
Post a Comment